ஜி.எல்.பீரிஸ் பூட்டான் விஜயம்

SUNDAY APRIL 25, 2010
புதிய வெளிவிவகார அமைச்சராக நியமிக்கப்பட்டுள்ள ஜி.எல்.பீரிஸ் 7 நாள் உத்தியோகப்பூர்வ விஜயமொன்றை மேற்கொண்டு பூட்டான் செல்லவுள்ளார்.
இவர் நாளைய தினம் பூட்டான் செல்லவுள்ளதாக வெளிவிவகார அமைச்சு தெரிவித்துள்ளது.
பூட்டானில் நடைபெறவிருக்கும் சார்க் மாநாட்டில் கலந்துகொள்ளும் நோக்கிலேயே வெளிவிவகார அமைச்சர் ஜி.எல்.பீரிஸ் அங்கு செல்லவுள்ளார். இந்த விஜயத்தின் போது வெளிவிவகார அமைச்சின் செயலாளர் ரோமேஷ் ஜயசிங்க மற்றும் இலங்கைக்கான சார்க் பணிப்பாளர் நாயகம் ஆகியோரும் பூட்டான் செல்கின்றனர்.
ஜி.எல்.பீரிஸ் புதிய வெளிவிவகார அமைச்சராக நியமிக்கப்பட்டதன் பின்னர் அவரது முதலாவது வெளிநாட்டு விஜயம் இதுவென்பது குறிப்பிடத்தக்கது.